I pari nga dy eklipset totale hënore këtë vit është parë në shumë pjesë të botës nga 15 maji deri më 16 maj, një tjetër mundësi kjo që njerëzit të mrekullohen me Hënën e përgjakur do të jetë më vonë këtë vit, më 8 nëntor 2022.
Spektaklit të ofruar nga eklipsi i hënës nuk i ka shpëtuar as Tirana, ku nëpërmjet disa fotove të publikuara nga LSA, shihet mrekullia që të ofron ky fenomen, teksa pamjet janë spektakolare.
Sipas faqes së internetit të NASA-s, gjysma lindore e Shteteve të Bashkuara dhe e gjithë Amerika e Jugut do të kenë mundësinë të shohin çdo fazë të eklipsit hënor. Tërësia do të jetë e dukshme në pjesën më të madhe të Afrikës, Evropës Perëndimore, Amerikës Qendrore dhe Jugore dhe në pjesën më të madhe të Amerikës së Veriut.
Sipas timeanddate.com, eklipsi i plotë ishte i dukshëm nga Roma, Nju Jorku, Brukseli, Guatemala City, Londra, Los Anxhelosi, Parisi, Rio de Zhaneiro, Havana, Çikago, Johanesburg, Mexico City, Lagos, Detroit, Madrid, San Francisko, Santiago, Buenos Aires, Ëashington DC, Lisbona ndër të tjera ndërsa Ankaraja, Budapesti, Kajro, Athina, Honolul janë qytetet ku do të jetë i dukshëm eklipsi i pjesshëm.
Kur ndodh eklipsi hënor?
Një eklips total hënor ndodh kur Toka vjen midis Diellit dhe Hënës duke bllokuar rrezet e Diellit që të ndriçojnë hënën. Në një eklips total hënor, e gjithë Hëna bie brenda ombrës, pjesës më të errët të hijes së Tokës. Llojet e tjera të eklipsit hënor janë eklipsi hënor penumbral, eklipsi i pjesshëm hënor dhe një lloj relativisht i rrallë i eklipsit hënor i quajtur eklipsi hënor qendror.
Eklipsi i parë i vitit ishte më 30 prill 2022, një eklips i pjesshëm diellor. Një eklips diellor ndodh gjithmonë rreth dy javë para ose pas një eklipsi hënor.
