Kronikë

RAPORTI/ Mafia shqiptare dhe Ndrangheta kanë pushtuar Amerikën e Jugut në trafikun e kokainës për në Europë

19:53 - 23.06.22 Gazeta Shqiptare
GSH APP Get it on Google Play

Organizatat kriminale kanë nevojë për njerëz të besuar në të gjitha shtetet që janë pjesë e zinxhirit të trafikut të drogës, për të menaxhuar fazat e ndryshme të blerjes dhe shitjes së drogës.




Strukturat e organizuara, si Camorra nuk bëjnë përjashtim, të cilët për të siguruar ardhjen e tonelatave me drogë, veçanërisht të kokainës, iu është dashur të krijojnë rrjetin e tyre të kontakteve ku më i njohuri është Raffaele Imperiale. Klanet kriminale kanë mbështetje në Spanjë, Amerikën e Jugut, Afrikë dhe  Gadishullin Arabik. E gjithë kjo panoramë është nxjerrë nga raporti i policisë italiane.

Në bazë të raportit nga policia italiane, Kolumbia, prodhuesi kryesor i kokainës është një vend me rëndësi strategjike për të gjitha organizatat kriminale të përfshira në trafikun e drogës.

Ndrangheta është ndër organizatat kriminale që bashkëpunonte me kartelet kolumbiane së bashku me kartelet meksikane, brazilianët e PCC (Primeiro Comando da Capital) dhe mafian shqiptare. Kontaktet dhe komunikimet kryhen përmes pikave në bazat e bandave të drogës. Në Kolumbi forcat e policisë kanë konstatuar gjithashtu praninë e Camorra-s, ndonëse në mënyrë të pastrukturuar siç ndodh me organizatat e tjera kriminale.

Në këtë raport citohet edhe rasti i Raffaele Imperiale, alias “Lello Ferrarelle” , i arrestuar në Dubai në 4 gusht 2021 dhe ekstraduar në Itali në mars të këtij viti.

imperiale-raffaele-1629916240756-1200x675

 

Sipas hetuesve ai dyshohet se kontrollon trafikun e drogës, duke garantuar një fluks të vazhdueshëm drejt Napolit.

Të njëjtët “Scampia Scissionists” njihen edhe me pseudonimin “Spanjollët” pikërisht për mbështetjen që kanë në Gadishullin Iberik, i cili u bë edhe shtëpia e tyre.

Kontaktet mes klaneve të krimit të organizuar kanë kanë në dritë nga një sërë operacionesh të tjera policore, duke përfshirë ‘Buenaventura 2017 ” të Guardia di Finanza, për trafikun e drogës nga Kolumbia dhe Spanja (shpesh nëpërmjet Maltës); duke dhënë  24 masa paraprake, për të dyshuarit që besohet se ishin të lidhur me grupe të veçanta që vepronin midis Torre Annunziata dhe rretheve napolitane Secondigliano dhe Scampia.

Rrugët e drogës: Amerika e Jugut, Afrika, Evropa

 

Mafia-shqiptare-750x406

 

Për shumë vite tani, Afrika ka qenë në top-listën e vendeve së bashku me Amerikën e Jugut për trafikimin e kokainës. Këtu transportohet droga para nisjes për në Evropë, ku sasia më e madhe e kapur në Afrikë është katërfishuar nga viti 2018 në 2019 dhe është pothuajse 8 herë më e madhe se ajo e kapur në vitin 2009.

Në vitin 2019 u kapën 13 ton kokainë, që përkon me 0.9% të totalit botëror. Sipas vlerësimeve të UNODC (Zyra e Kombeve të Bashkuara për Kontrollin e Drogës), të dhënat për konfiskimet do të përfaqësonin vetëm një pjesë të vogël të vëllimit të trafikut dhe totali i kokainës së kapur në vitin 2019, përfshirë operacionet që nuk raportohen nga shtetet afrikane, që mund të shkojnë deri në 17 tonë.

Një rol kryesor është ai i Marokut, ku u kapën pothuajse 2 tonë kokainë në vitin 2021 (krahasuar me 136 kilogramë një vit më parë). Droga që mbërriti nga Afrika do të transportohej më pas në kontejnerë në Spanjë, duke ndjekur të njëjtat rrugë të përdorura për kanabisin.

Në vitin 2020, vit në të cilin kufizimet për pandeminë Covid ishin më të ashpra, trafikimi nga Afrika praktikisht nuk u prek pothuajse fare.

47% e kokainës së kapur në periudhën 2015-2019 erdhi nga Brazili, 16% nga Kolumbia, 7% nga Peruja dhe 4% nga Meksika dhe Venezuela.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.