Dy vite pas vrasjes, komisar Artan Cuku ka marrë ditën e sotme titullin “Dëshmor i Atdheut”. Me lot në sy ka qenë bashkëshortja e tij, e cila ka marrë simbolet. “Artan Cuku mbylli jetën e tij të re pas një atentati të pabesë prej një dore kriminale në 8 prill 2017.
Vrasësi i paguar i Artan Cukut u kap nga policia në 11 qershor 2017, ndërsa porositësi i krimit të shëmtuar është arrestuar në 29 dhjetor 2018 në Athinë ku pritet edhe ekstradimi drejt Shqipërisë ku do të përballet me drejtësinë. Nga sot i bashkohet radhës së Dëshmorëve të Atdheut duke merituar respektin e gjithë shqiptarëve. Ne i shprehim respektin dhe mirënjohjen familjarëve të Artan Cukut”, tha ministri Lleshaj.
Shfaq Komentet (0)