Operacioni antidrogë në Shqipëri/ Gjykata lë në burg 16 prej të arrestuarve

Gjykata e Kukësit ka dhënë ditën e sotme masën e sigurisë për 17 të arrestuarit pas operacionit antidrogë në Shqipëri.

Bëhet me dije se gjykata ka caktuar masën ‘arrest me burg’ për 16 të arrestuarit, ndërsa për një tjetër është lënë masa ‘arrest shtëpie’. Ndërkohë, Prokuroria e Kukësit kërkoi transferimin e çështjes në Prokurorinë e Posaçme (SPAK).

Grupi kriminal kishtë dy vite që funksiononte, ndërsa sigurinë për kultivimin e kanabisit e merrte nga polici i zonës. Ndër të arrestuarit, janë edhe dy efektivë polici, për të cilët ende nuk është dhënë masa e sigurisë.