Një 41-vjeçar me origjinë nga Gjeorgjia, është qëlluar për vdekje me armë zjarri nga një person në Selanik, Greqi.
Ngjarja ndodhi në zonën e Stavroupolit të Selanikut, Greqi, rreth orës 14:00, kur 41 vjeçari sapo parkoi motorrin e tij buzë rrugës e hoqi kaskën mbrojtëse, një makinë tip ‘xhip’ i është afruar për të vërshuar plumba karshi tij, duke gjetur vdekjen në vend.
Sipas uniformave blu, janë të përfshirë 3 persona në atentat, mes tyre e një grua.
Mediat greke raportojnë se po punohet për zbardhjen e ngjarjes, ndërkohë sipas autoriteteve 41 vjeçari nuk është person i panjohur për ta, pasi ishte arrestuar më parë si anëtar i një organizate kriminale.
Njoftimi i Policisë Greke:
Mesditën e sotme (04-05-2024) në zonën e Stavroupoli ka gjetur vdekjen në rrugë një shtetas 41-vjeçar, me dy plagë me armë zjarri. Në vendngjarje shkoi një ekip nga Nëndrejtoria e Hetimeve Kriminale të Greqisë së Veriut për të eksploruar zonën. Hetimet paraprake po kryhen nga punonjësit e policisë së Departamentit të Krimeve kundër Jetës dhe Lirisë Personale të Drejtorisë së Sigurimit të Selanikut.