![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Agjencia Federale Amerikane e Anti-Drogës (DEA) ka reaguar për kapjen e 400 kg kokainë në Lipjan të Kosovës. Mediat e Kosovës raportojnë se një zëdhënës i DEA ka deklaruar se operacioni ishte rezultat i shumë agjencive shumëkombëshe ku synohej goditja e krimit të organizuar.
Zëdhënësi përmend ndër të tjera Guardia di Finanza, SPAK, Policinë Shqiptare, Policinë e Kosovës dhe zyrat e DEA-s në Romë e Athinë .
“Hetimi ishte një përpjekje e përbashkët e shumë agjencive shumëkombëshe që synonte krimin e organizuar transnacional. Shërbimet e “Guardia di Financa” nga Italia, Policia e Shtetit Shqiptar, SPAK nga Shqipëria, Policia e Kosovës dhe DEA (zyrat në Romë dhe Athine) ishin të përfshirë”, thuhet në përgjigje të një zëdhënësi të DEA-s.
Dy ditë më parë u kapën 400 kg kokainë në Lipjan të Kosovës brenda një konteineri të kamufluara me mish. Konteineri erdhi nga Brazili në Itali, më pas zbarkoi në Durrës ku u vëzhgua për 15 ditë dhe u kap në Kosovë.
DEA kishte dhënë informacion për këtë konteiner dhe nëpërmjet bashkëpunimit të strukturave në këto shtete u bë e mundur kapja e sasisë. Për këtë sasi kokaine janë arrestuar 7 persona masa e sigurisë së të cilëve do të jepet në Kosovë.