![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Zbardhet dëshmia në polici e reperit Ervin Selita, ose siç njihet me emrin e artit “Vinz” i cili qëlloi me armë zjarri drejt pronarit të një hoteli në Tiranë pas një konflikti që nisi me recepsionistin.
Në dëshminë e siguruar nga gazetarja e Panorama.al, Nikoleta Kovaçi, Selita është shprehur se ka qenë klient i përhershëm i këtij hoteli dhe në momentin e konfliktit, ai ka qenë i dehur.
Sipas dëshmisë së dhënë në polici, ai thotë se nuk e di se çfarë po i kërkonin vajzës me të cilën shoqërohej. Selita pretendon se është provokuar nga pala tjetër, por nuk pati qëllim që t’i bënte keq njeriut.
“Nuk e di se çfare ka ndodhur! Kisha pire me pare dhe isha nen efekt alkooli! Se kuptova se cpo i kerkonin vajzes time! Kam vite qe e frekuentoj si hotel dhe ata me njohin shume mire! Ata me provokuan, por unë nuk pata qellim t’i beja gjë te keqe kujt! Nuk e di fiks se çfarë ndodhi” -është shprehur Selita në polici.