Arrestohet një 45- vjeçar, banues në Maltë, pasi ështe kapur në Kapshticë me 39 kilogramë lëndë narkotike e llojit Kanabis Sativa.
45-vjeçari Ronald Galea është ndaluar tek tentonte të largohej nga Shqipëria me mjetin kamionçinë tip”ford” me targa HBQ412, ku në të cilën kishte fshehur drogën.
Nisur nga dyshimet e shfaqura, ky mjet u përzgjodh nga shërbimet e Policisë Kufitare, për verifikim në vijën e dytë. Gjatë kontrollit në skaner, u shfaqën dyshime se mund të ishte fshehur lëndë e dyshuar narkotike.
Në pjesën e dyshemesë të këtij mjeti, u konstatuan dhe u sekuestruan në cilësinë e provës materiale :
79 pako me peshë 39 KG lëndë të dyshuar si narkotike Kanabis Sativa.
Materialet për hetime të mëtejshme i kaluan Prokurorisë të Krimeve të Rënda në Tiranë, për veprën penale: “Trafikimi i narkotikëve, mbetur në tentativë” parashikuar nga nenet 283/a dhe 22 i Kodit Penal.
