Pamela Aliaj – Ajo është padyshim një nga bukuritë më të veçanta të Shqipërisë, e cila shihet shpesh të jetë ikonë e firmave të njohura në mbarë vendin e më gjerë. Tashmë, edhe pse vetëm 21 vjeçe, Andonia Dobi është prej muajsh në një pritje të ëmbël me partnerin e saj, Elsonin. Në një intervistë ekskluzive për “Vip Pages” të “Gazeta Shqiptare”, bukuroshja nga Gjirokastra ka shprehur ndjesitë e saj e të qenurit së shpejti nënë, planet për të ardhmen e afërt si dhe surpriza që i rezervon ardhja në jetë e engjëllit. Një dasmë së shpejti? Për më tepër në intervistën e mëposhtme.
Jeni një nga modelet më bukuroshe të Shqipërisë, si lindi pasioni për modelingun?
Pasioni për modelingun ka lindur shumë rastësisht.
Së shpejti do të bëheni nënë. Si ndiheni tani që jeni duke sjellë një krijesë të re në jetë?
Besoj se vetëm femrat që e kanë provuar këtë ndjesi do e kuptojnë kur them se në gjithë universin nuk ekziston ndjesi më e bukur.
A do të hiqni dorë nga modelingu tani që do të bëheni prind?
Normalisht që nuk do heq dorë nga modelingu, sepse asnjëra nuk do jetë pengesë për tjetrën. Çdo gjëje duhet t’i shihet ana pozitive.
Sa ka ndryshuar përditshmëria dhe jeta e Andonias tani që do të krijoni një familje?
Jeta nuk më ka ndryshuar akoma, por mund të them se periudha e shtatzënisë është periudha që të bën të ndihesh në qendër të vëmendjes 24/24. Ky është i vetmi ndryshim.
Si u njohët me partnerin tuaj?
Me Elsonin, sepse nuk më pëlqen të përgjigjem për të në mënyrë të përveçme (partnerin). Kam ndoshta historinë më të bukur të njohjes. Rastësia është mbreti i gjithçkaje.
Cila është gjëja që ju bëri të binit në dashuri me të?
Elsoni është kopja ime më e mirë dhe anasjellas, prandaj nuk mund të flas vetëm për një gjë për të cilën jam e dashuruar me të sepse s’ka kuptim. Është njeriu që më jep lumturi edhe vetëm kur e shoh.
Si e morët vesh lajmin e shtatzënisë? Si reaguat ju? Po partneri?
Lajmin për bebin e kam marr vesh rastësisht në një vizite normale. Nuk e dija dhe kjo e bëri akoma edhe më të bukur. Ditën kur e mora vesh, unë kam ndjerë gjithë ndjesitë në të njëjtën kohë: lumturi, frikë, gëzim, lot, panik, çdo lloj ndjesie dhe e njëjta gjë edhe për Elsonin, sepse bebi është krijesa jonë, engjëlli ynë, lumturia më e madhe.
A keni menduar ndonjë emër për engjëllin e vogël? Keni vendosur cili do jetë?
Për emrin jemi akoma në dilemë. Nuk e dija se ishte kaq e vështirë të zgjidhje një emër.
Cila ka qenë oferta më joshëse nga e cila ju është dashur të hiqni dorë? Sa ka qenë shifra dhe pse hoqët dorë?
Nuk ka pasur deri tani një ofertë që më është dashur të heq dorë.
A do të ketë dasmë së shpejti? Kur do ta shohim Andonian nuse?
Deri tani dasma është diçka që do duhet të presë dhe pak, ose ndoshta… s’i dihet.
