Për 90 ditë Katerina dhe Lupçe na kanë bindur se brenda lojës janë çifti më jetëgjatë dhe më kompakt. Nëntëvjetorin e lidhjes së tyre, çifti e kaloi në shtëpinë e “Big Brother” duke u betuar për dashuri të përjetshme. Por duket se jashtë nuk kanë munguar as gojët e liga që kanë zbuluar jetën e ish-banorëve para se të preknin famën. ‘Online’ është publikuar fotoja dhe mesazhi i një vajze, që pretendon se ka pasur një lidhje paralele me Lupçen dhe se djali nga Korça nuk e ka tradhtuar veç njëherë Katerinën. “Si na e shesin këta të ‘Bigut’ Lupçen, si i dashuruari i shekullit… Ai nuk ka bashkëjetuar me Katerinën asnjëherë, thjesht janë 2 persona që jetojnë në Tiranë, kurse gjatë verës gjithsecili në shtëpitë e veta… Lupçe e ka tradhtuar sa e sa herë Katerinën e ajo herë e merrte vesh, herë jo dhe s’e kuptoj si e ka falur. Unë kam fjetur me Lupçen disa herë. Ja po u dërgoj edhe një foto, por ju lutem mos e bëni publike foton. Thjesht dua që këta të Bigut të mos e shesin si njeriu më i dashuruar i shekullit”, shkruan një vajzë për “Shqipëria Ime”. Mbetet për t’u vërtetuar nëse ky mesazh është i vërtetë, apo është një shaka e hidhur nga dikush që nuk e ka fort për zemër çiftin.
