Kronikë

Skandali i “DH Albania”/ Pushohet çështja për zyrtarët e ARRSH-së, administratori në gjyq për falsifikim

16:02 - 24.01.20 gsh

Gjykata e Tiranës vendosi të kalojë për gjykim cështjen penale ndaj Avdjol Dobi, administrator DH Albania, kompani e cila përmes dokumentave të falsifikuara fitoi tenderin për ndërtimin e një prej loteve të Unazës së Re. Ndaj Dobit, që ndodhet në arrati prej tetorit 2018 pasi ndaj tij u caktua masa e arrestit me burg, rëndon akuza e falsifikimit të dokumentave.



Nga hetimet rezultoi se Dobi falsifikoi datën e regjistrimit të kompanisë DH Albania ne Delawere të Shteteve të Bashkuara si dhe bilancet e tri viteve me parë. Skandali i tenderit me vlerë rreth 18 milionë euro u zbulua nga News 24, c’ka vuri në lëvizje prokurorinë, tashmw dy vite më vonë, në përgjegjësi penale është marrë vetëm administratori i DH Albania, ndërsa hetimet për zyrtarët e ARRSH-së të cilët u hetuan për shkelje të barazisë në tendera dhe shpërdoprim detyre u pushuan.

Vendimi i pushimit firmosur nga prokurori Gjergji Tako u miratua edhe nga gjykata. Prokuroria thotë se nga hetimet nuk u gjetën elementë të veprës penale për zyrtarët e Autoritetit Rrugor Shqiptar, institucion që pasi u zbulua skandali iu drejtua prokurorisë duke bërë kallëzim penal. Krahas tenderit të Unazës, DH Albania fitoi nga OST tenderin me vlerë 10 mln euro për ndërtimin e linjës së energjisë Burrel-Peshkopi.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.