Një shtetas shqiptar ka rënë në prangat e policisë së Pordenones mbrëmjen e së martes. 42-vjeçari I kërkuar për trafik ndërkombëtar droge u ndalua pas një kontrolli rutinë nga patrulla e policisë në mission parandalimin e krimeve.
Pas ndalimit të një makine tip “BMË” ku ndodheshin 3 shtetas shqiptarë rezidentë në Itali,dhe pas verifikimit të dokumenteve rezultoi se mbi njërin nga personat rëndonte një mandate kërkimi evropian për trafik ndërkombëtar droge.
Mandat arresti ishte lëshuar në 3 shkurt të këtij viti nga autoritetet gjyqësore greke në kuadrin e një operacioni të madh kundër trafikut ndërkombëtar të drogës.
Shqiptari, akuzohet për futje në mënyrë të paligjshme në territorin e Bashkimit Evropian nga Amerika Jugore e Qendrore të 1.2 tonë kokainë, me vlerë rreth 120 milionë euro. Identiteti i tij u konfirmua nga shenjat e gishtave të cilat përputheshin me ato të nxjerra nga autoritetet greke.
I arrestuari me iniciale A. A. është lindur në Mirditë më 1978 dhe banon në Pordenone, tashmë në pritje të dorëzimit te autoritetet greke.
