Durrësi është një nga qytetet më të prekura nga Koronavirusi. Ministria e Shëndetësisë ka bërë me dije ditën e sotme se 26 raste janë në rrethin e Durrësit. Bëhet me dije se 11 nga 12 personat e dalë pozitiv janë të të njëjtës familje por aktualisht janë në një gjendje të qëndrueshme shëndetësore. Infektimi i tyre është një rast transmetimi nga 71-vjeçari i identifikuar ditët e fundit.
Ndërsa një rast tjetër është një vatër e re në këtë qytet. Ndërkaq ka shkuar në 243 numri i të infektuarve dhe në 13 numri i viktimave nga Koronavirusi në vendin tonë. Viktima e 13-të është një pacient 62-vjeçar nga Durrësi, i cili ka pasur sëmundje shoqëruese, dhe ka ndërruar jetë mëngjesin e sotëm.
Shfaq Komentet (0)