Kronikë

Arrestohen 9 persona në Tiranë, tre prej tyre të shpallur në kërkim, ja për çfarë akuzohen

14:14 - 04.07.20 gsh

Policia e Tiranës ka arrestuar sot 9 persona, tre prej të cilëve ishin të shpallur në kërkim, pasi akuzohen për vepra të ndryshme penale.



Njoftimi i policisë:

Tiranë

Vijon puna nga strukturat e Drejtorisë Vendore të Policisë Tiranë, për parandalimin, evidentimin dhe goditjen e paligjshmërisë.

Gjatë 24 orëve të fundit janë vënë në pranga 9 persona, 3 prej tyre të shpallur në kërkim.

Nga specialistët për Hetimin e Krimit në Komisariatin e Policisë Nr. 2 u bë arrestimi në flagrancë i shtetasit F. D., 37 vjeç, pasi, në banesë, në mënyrë të vazhdueshme kërcenonte dhe ushtronte dhunë fizike dhe psikologjike ndaj prindërve të tij.

Ndërkohë, nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit B. H., 46 vjeç, pasi në rrugën “Jordan Misja”, gjatë kontrollit fizik iu gjet dhe iu sekuestrua në cilësinë e provës materiale një armë e ftohtë (thikë).

Specialistët e Qarkullimit Rrugor bënë arrestimin në flagrancë të shtetasve:

M., B. M., E. P. dhe J. O., pasi u kapën në flagrancë nga shërbimet e Policisë, duke drejtuar mjetet në gjendje të dehur.

Në vijim të punës për kapjen e personave të shpallur në kërkim, nga strukturat e DVP Tiranë janë kapur dhe ndaluar shtetasit:

U.T., 42 vjeç, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale “Përndjekja”.

O.D., 30 vjeç, pasi Gjykata e Shkallës së Parë Kavajë e ka dënuar me 1 vit e 6 muaj burg, për veprën penale “Vjedhja”.

E.H., 43 vjeç, pasi Gjykata e Shkallës së Parë Kavajë e ka dënuar me 20 ditë burg, për veprën penale “Drejtimi i automjeteve në mënyrë të parregullt”.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.

CLOSE
CLOSE