Tentoi të korruptonte një efektiv policie, arrestohet 58-vjeçari në Fier

Një 58-vjeçar në Fier ka rënë në prangat e uniformave blu, pasi tentoi që të korruptonte me para një efektiv.

Në pranga ka rënë shtetasi me inicialet E. B., banues në Fier, i cili akuzohet se i ofroi ryshfet punonjësit të Policisë, me qëllim që ai ta favorizonte për tërheqjen e pasaportës, me qëllim marrjen e saj në afate të përshpejtuara.

Materialet proceduriale do t’i kalojnë Prokurorisë së Posaçme Kundër Korrupsionit dhe Krimit të Organizuar Tiranë, për veprën penale “Korrupsion aktiv i personave që ushtrojnë funksione publike”.