VIP-at shqiptarë nuk presin verën. Njihet tashmë tendenca e personazheve të famshëm që edhe pse sezoni nuk ka ardhur akoma, zgjedhin të nisin pushimet e tyre. Destinacioni i këtij viti? Patjetër Dubai. Nëse i keni hedhur një sy rrjeteve sociale, natyrisht që jeni ndeshur me poza nga buzë detit, me ushqime ekstravagante dhe gradaçela. Ledri Vula dhe partnerja e tij Sara Hoxha, kanë marrë në këto ditë të nxehta edhe vogëlushen e tyre, Poem Blu. Familja po shijon disa ditë buzë detit, ku nuk na i ka kursyer pozat. Për herë të dytë në një kohë të shkurtër ka shkuar edhe Kejvina në Dubai. Super sensuale është shfaqur modelja teksa ka pozuar me bikini buzë detit.
Natyrisht që edhe këtë herë ajo ka zgjedhur ta mbajë sekret shoqëuesin. Po në Dubai është edhe modelja tjetër, Morena Taraku. Natyrisht që si gjithmonë edhe brunia seksi është mjaftuar me një pozë provokuese, duke mos na treguar më shumë. Megjithatë edhe kaq ne na mjafton. Mesa duket këtë verë të shumtë do të jenë fotot që do të shohim nga Dubai, ndryshe nga sa jemi mësuar të shohim, vetëm në jug të vendit tonë.