Zgjedhjet vendore të 6 marsit që do të mbahen në 6 bashki të vendit, do të jenë interesante sidomos në qarkun e Shkodrës.
Përcarja e PD-së pas aksionit të Berishës, enigma për rreshtimin e LSI dhe misteri mbi votat e Doshit e bëjnë të paparashikueshme garën në kryeqendrën e veriut.
E njohur prej vitesh si bastion i Partisë Demokratike dhe të djathtës në tërësi, Shkodra gjendet nën drejtimin e Voltana Ademit e cila sot është rreshtuar me PD-në e Berishës. Ajo nuk mori pjesë në “Foltoren e Shkodrës”, por ishte në stadiumin “Air Albania” në Kuvendin e 11 dhjetorit të thirrur nga ish-kryetari i PD.
Divorci me Bashën është pothuajse përfundimtar, por e paqartë mbetet nëse “Foltorja” do ta kandidojë ose jo Ademin si përfaqësuese të saj.
Ndarja e PD-së i jep një shans real Partisë Socialiste të fitojë më në fund bashkinë e Shkodrës. PS-ja e fitoi Shkodrën në 2019 me Valdrin Pjetrin, kur opozita PD-LSI vendosën të bojkotonin zgjedhjet vendore. Pjetri u dogj nga dekriminalizimi, nuk e beri betimin dhe ne krye te bashkise mbeti Voltana Ademi.
Për të kuptuar sfondin në të cilin zhvillohet gara e 6 marsit, “Gazeta Shqiptare” risjell rezultatet e 4 zgjedhjeve të fundit në bashkinë e Shkodrës./ GSH.al
BASHKIA SHKODER
Zgjedhjet parlamentare 2021
PS 15.848 vota
PD 29.893 vota
PSD 9.808 vota
LSI 7.880 vota
Zgjedhjet vendore 2019 (vota për partinë)
PS 12.335
PSD 2.638
PD-LSI Bojkot
Zgjedhjet parlamentare 2017
PS 20.195 vota
PD 25.559 vota
LSI 8.891 vota
PSD 7.930 vota
Zgjedhjet vendore 2015 (vota për partinë)
PS 10.884
PD 25,353
LSI 11.790
PR 2.273
