PD paralajmëron mospjesëmarrje në zgjedhjet e Kavajës, Paloka: Qeveri teknike

Pas dekretimit nga presidenti i Nishani të datës së zgjedhjeve të pjesshme në Kavajë (më 7 maj), ka reaguar kryetari i grupit Parlamentar të PD, Edi Paloka, i cili ka paralajmëruar mospjesëmarrje të kësaj gare elektorale. Më poshtë reagimi i plotë i Palokës.

EDI PALOKA

“Ju jeni në dijeni të vendimit që ka marrë opozita shqiptare. Zgjedhje me Edi Ramën me paratë e pista të drogës nuk do të ketë. Në Kavajë apo në cilëndo zonë tjetër të Shqipërisë. Vendimi i opozitës është i parevokueshëm. Ky është një vendim që e morën qytetarët shqiptarë më 18 shkurt.

Edi Rama bën sikur nuk shqetësohet, e kam thënë edhe në raste të tjera. Britmat e tij i ngjajnë atij që bërtet në errësirë për t’i hequr frikën vetes. Nuk ka zgjedhje pa qeveri teknike, as në Kavajë, as kudo në Shqipëri”.

GSH.al