Qytetari i tregon faturën e energjisë elektrike. Basha: Çfarë ke në shtëpi, fabrikë akulloresh?

Kreu i opozitës gjatë mitingut elektoral në Dibër është përballur me shqetësimet e qytetarëve, të cilët janë ankuar për faturën e kripur të energjisë elektrike që paguajnë çdo muaj.

Gjatë kohës që Basha po fliste për programin e tij dhe të PD-së, se çfarë do të bëjnë ata pas 25 qershorit nëse mandatohen nga shqiptarët, një qytetar dibran i ka treguar faturën e energjisë elektrike, pasi kishte paguar 218 mijë lekë të vjetra.

BISEDA:

Basha: Ulja e çmimit të energjisë jo vetëm për konsumatorët por edhe biznesin prodhues. Pse u rrit çmimi i energjisë apo këtu nuk e ka rritur? Sa më shumë e paguani faturën?

Qytetari:Me tre vetë 218 mijë lekë të vjetra kam paguar për dy muaj faturën.

Basha: Çfarë ke në shtëpi fabrikë akulloresh? Çmimi i energjisë u rrit për të mbushur gropën që Edi Rama krijoi duke vjedhur 600 mln euro që ia fali CEZ-it. I morën i ndanë me njeri-tjetrin dhe për të mbushur gropën rritën çmimin dhe ky është çmimi që paguan secili prej jush.