FOTOT/ Autorët e vrasjes së Marvi Mihalit para gjyqit, babai i Eugen Bitrajt përlotet: Situata mes familjeve, e rëndë

Dy ditë pas ngjarjes së rëndë, ku mbeti i vrarë për një karikues telefoni Marvi Mihali, ka nisur seanca gjyqësore në Gjykatën e Tiranës për katër të akuzuarit për vrasjen e 22-vjeçarit. Prokuroria ka kërkuar masën e sigurisë “Arrest me Burg” për të akuzuarit. Ndërkohë që deri në këto momente vetëm Eugen Bitraj ka pranuar autorësinë e vrasjes.

Ndërkaq, në ambientet e jashtme të Gjykatës së Tiranës ka qenë i pranishëm edhe babai i Eugen Bitrajt. Në një dalje për mediat ai i ka shprehur ngushëllime familjes Mihali, teksa në një moment kur po fliste është përlotur. Babai i Eugen Bitrajt ka theksuar se situata është e nxehtë, ndërsa u ka kërkuar falje familjes Mihali.

“I kërkojmë falje familjes. i shprehim ngushëllime të thella. U lutem të gjejnë forca të reagojnë pozitivisht. Gjithçka ka ndodhur për një karikues. Nuk jemi takuar deri më tani pasi situata është shumë e rëndë

Askush nuk do të donte të ishte prind i asnjërit në këtë situatë, as i djalit që humbi jetën e as të atyre që sot janë fajtorë. Jemi shumë të tronditu. Fëmijët kanë bërë një gjë shumë të keqe.”