Sipas Lubonjës, këto deklaratat të kryeministrit janë show politik, sepse Rama është ndotësi më i madh i mjedisit në Shqipëri, që nga koha kur ishte kryetar bashkie.
“Kryeministri ynë ka probleme të mëdha me koherencën dhe përgjegjshmërinë. Rama është nga ndotësit më të mëdhenj në këtë vend. Po të shohësh si e ka bërë Tiranën, një qytet të pabanueshëm. Fatëkeqësia jonë që kemi këta njerëz në krye.”
Lubonja u ndal edhe tek kullat që po ndërtohen në Tiranë, si një shembull i qartë i ndotjes së mjedisit.
“Rama flet për mjedisin, por ku po investohen paratë e shqiptarëve? Në kulla që bëjnë ndotjen e mjedisit. Shikoni cfarë bëri në Tiranë. Bëri parking, në qendër të Tiranës. Çfarë kuptimi ka një pedonale ku thithet ajri i ndotur nga makinat?! Rama bën show me mjedisin dhe kjo është për të qarë hallin” u shpreh Lubonja./TPZ.AL/http://www.tpz.al/2017/11/22/lubonja-rama-fatkeqesia-jone-ndotesi-me-i-madh-i-mjedisit/