4 gra dhe një burrë janë arrestuar nga policia e Fierit. Në pranga kanë përfunduar: Gazment Allikaj, Leonora Jaupaj, Flora Jaupaj, Olimbi Jaupaj dhe Irma Jaupaj.
Sipas policisë në banesën e 24-vjeçarit Allkaj ishte në proces përpunimi një sasi kanabisi.
Në banesën në fshatin Çorush policia ka gjetur dhe sekuestruar në cilësinë e provës materiale rreth 349 kg lëndë kanabis në proces përpunimi.
Materialet proceduriale i kaluan Prokurorisë pranë Gjykatës së Shkallës së parë Fier për veprën penale “Prodhimi dhe shitja e narkotikëve”.
Nga hetimet paraprake dyshohet se i riu ishte koka e ndërtimit të laboratorit të kanabisit, ndërsa 4 gratë punëtore. Megjithatë hetimet janë në vazhdim e sipër.
Të arrestuar:
Gazment Allkaj, 24 vjeç
Leonora Jaupaj, 41 vjeçe
Flora Jaupaj, 30 vjeçe
Olimbi Jaupaj, 47 vjeçe
Irma Jaupaj, 31 vjeçe.
