Klement Balili, i njohur ndryshe si “Eskobari i Ballkanit” apo “magjistari” ka kërkuar gjykim të shkurtuar. Mbi Balilin rëndojnë 4 akuza, por ai i kundërshton me pretendimin se nuk ka kryer asnjë vepër penale, sa kohë edhe avokatët këmbëngulin se nuk ka prova.
Por, ndërkohë, Prokuroria iu referohet hetimeve greke që e ekspozojnë Klement Balilin si njeriun që trafikoi 678 kilogramë kanabis, një ngarkesë që u kalua nga brigjet e Sarandës më 5 maj të vitit 2016.
Si nisi nisi karriera kriminale (shkrim i Corriere nga Andrea Galli)
Një tregtar i rëndësishëm 48-vjeçar shqiptar i drogës u vetëdorëzua në policinë e vendit të tij. Emri i tij është Klement Balili dhe në të kaluarën e tij kriminale ka gjithashtu lidhje të rëndësishme me Milanon.
Njeriu, i cili tani është 48 vjeç, ishte i kërkuar nga policia shqiptare. Në të kaluarën emri i tij doli nga një artikull (grek) në një ngarkesë prej 7 ton marijuanë të sekuestruara në det të atij vendi, i destinuar për tu trafikuar drejt Milanos.
Policia shqiptare njoftoi se kërkesa për arrestimin e tij, erdhi pas tre muajsh të negociatave me familjen Balilit, i cili kishte qenë më parë drejtor i Transportit në qytetin e Sarandës. Pronari i hoteleve dhe komplekseve, Balili është në të vërtetë një i arratisur që nga momenti i sekuestrimit të 700 kg marijuanë. Donald Lu, ambasadori i SHBA në Tiranë, e quajti atë si një eksponent të fuqishëm të krimit me lidhje të forta politike, duke u ankuar se autoritetet shqiptare për disa vjet nuk e kanë arrestuar. Në të vërtetë, Balili ishte lidhur me lëvizjen socialiste, që drejtonte vendin nga 2013 në 2017.
Rruga e lëndës narkotike të konfiskuara jashtë Greqisë çoi në Salento për ulje në Itali dhe në Milano, një qytet i frekuentuar gjerësisht nga Balili, e cili ka në Lombardi në dispozicion rrjetin e bashkëpunëtorëve për shitjen e marijuanës. Ato zona kontrolloheshin drejtpërdrejt prej tij, veçanërisht në provincën e Pavias por edhe Abbiategrasso dhe rrethinat e saj.
Në këto zona, Balili ishte një kriminel klasik shqiptar, që filloi në vitet ’90 në Milano duke trafikuar vajza të reja, shpesh të mitura dhe që i shfrytëzonte për prostitucion. Të ardhurat e fituara nga ky aktivitet kriminal, ai i investoi në trafikun e drogës.
