Klement Balili është dënuar me 10 vjet burg ditën e sotme nga Gjykata e Krimeve të Rënda. Prokuroria kishte kërkuar 18 vjet burg për Balilin, i cili akuzohet për veprën penale “Trafik ndërkombëtarë të lëndëve narkotike” si dhe “Pastrim parash”. Duke pranuar edhe gjykimin e shkurtuar, ai përfitoi zbritjen e 1/3 e dënimit. Prokurori u shpreh gjatë seancës së pretencës se Balili është në akuzë vetëm për rastin e trafikut të rreth 700 kg kanabis sativa, ndërsa si prova u paraqitën një sërë përgjimesh.
Krimet e Rënda, kërkuan shpalljen e fajshëm të tij për trafik lëndësh narkotike dhe dënimin me 10 vite burg, deklarimin fajtor për pastrim parash dhe dënimin me 5 vite burg, deklarimin fajtor për fshehje të pasurisë dhe dënimin me 6 muaj dhe deklarimin fajtor për grup kriminal dhe dënimin me 5 vite burg. Por sipas Dhori Sollakut, avokati i të pandehurit, prokuroria nuk ka paraqitur prova dhe fakte që të argumentohen akuzat e ngritura ndaj tij.
