Një plagosje me armë zjarri ka ndodhur rreth mesnatës së kaluar në Tiranë.
Policia njofton se ka mbetur i plagosur në këmbë 34-vjeçari E. Gj., ndërsa është arrestuar autori i dyshuar i plagosjes, 33-vjeçari K. Sh.
Gjithashtu, është shpallur në kërkim vëllai i autorit, 25-vjeçari R. Sh., pasi dyshohet si bashkëautor i ngjarjes, si dhe një shtetas tjetër për veprën penale “Moskallzim Krimi”.
Gazetarja Dorjana Bezat zbardh për “BalkanWeb”emrat e autorëve dhe të plagosurit. Kështu, i plagosur ka mbetur shtetasi Ergin Gjoni, ndërsa autorë janë vëllezërit Klajdi dhe Ramadan Shanaj.
Gjithashtu, në kërkim për moskallëzim krimi është shpallur edhe Valter Pershpalaj.
Njoftimi i policisë:
Specialistët për Hetimin e Krimeve në Komisariatin e Policisë Nr.4, falë reagimit në kohë dhe veprimeve hetimore dhe profesionale bënë të mundur arrestimin e njërit prej autorëve të dyshuar, konkretisht shtetasin K. Sh., 33 vjeç, për veprat penale “Vrasje me dashje e mbetur në tentativë” e kryer në bashkëpunim” “Armëmbajtja pa leje” dhe “Prishja e qetesisë publike”.
Dhe po për të njëjtat vepra penale shpallën në kërkim vëllain e tij shtetasin R. Sh., 25 vjeç.
Gjithashtu u shpall në kërkim për veprat penale “Moskallzim krimi” dhe “Plagosje e lehtë me dashje” dhe shtetasi V.P.
Shtetasit K. Sh dhe R. Sh (vëllezër)në bashkëpunim me njëri-tjetrin, mbremjen e djeshme, rreth orës 23:45, pas një konflikti të çastit për motive të dobëta, në rrugën “Karaman Ylli” kanë plagosur me armë zjarri në këmbë, shtetasin E. Gj., 34 vjeç, i cili ndodhet nën kujdesin e mjekëve, jashtë rrezikut për jetën.
Nën drejtimin e Prokuorisë vijon puna për dokumentimin e plotë të kësaj ngjarje.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
