Një aksident i rëndë ka ndodhur mëngjesin e sotëm në aksin Pogradec-Qafë Thanë, rreth orës 04:50, pranë fshatit Memëlisht, ku mbeti viktimë një person.
Siç shihet nga pamjet, mjetet janë shkatërruar thuajse plotësisht, ndërsa njëri prej tyre është kthyer përmbys.
Burime zyrtare nga policia bënë me dije se automjeti tip “Benz” me drejtues shtetasin me inicialet D. Y., 46 vjeç, është përplasur me automjetin tip “Citroen” me drejtues shtetasin Y. M., 58 vjeç. Për pasojë u plagos drejtuesi i automjetit tip “Citroen”, 58-vjeçari me inicialet Y. M., i cili ndodhet jashtë rrezikut për jetën dhe humbi jetën shtetasi me inicialet F. Z., 80 vjeç, banues në fshatin Çetë.
Siç shihet nga pamjet e siguruara për BalkanWeb nga gazetarja Lorena Kodra, duket se mjetet janë shkatërruar thuajse plotësisht, ndërsa njëri prej tyre është kthyer përmbys.