Kreu i partisë Lëvizja e Re, Arian Galdini, nëpërmjet një reagimi në rrjetet sociale, shkruan se LRE ka realizuar gjithçka deri më tani si një parti e re, vetëm me 1 celular dhe 1 Faqe Facebooku.
Ai shprehet se LRE synon të jetë në Kuvendin e Shqipërisë si zë i lirisë, ndërsa thekson se janë e vetmja parti politike e re që ka Asamble Kombëtare e Kryesi të zgjedhur dhe 2 Kuvende.
Ndër të tjera, Galdini shprehet se “ne jemi historia e 1 njeriu që ka një ide, historia e 1 ideje që ka krijuar 1 komunitet, historia e 1 komuniteti që ka krijuar një parti politike, historia e 1 partie politike që po bën mrekulli vetëm me 1 celular dhe 1 Faqe Facebooku, përballë 1 regjimi 3 Palësh PS – PD – PL që ka gjithçka.”
Reagimi i plotë
LRE në veprim, shpresa në veprim
Muaj të mbarë miq.
Ja pra kjo është LRE, aktivitete plot, me sallat plot e gjithçka e realizuar vetëm me 1 celular dhe 1 Faqe Facebooku.
A nuk është mrekulli?
Prej 24 tetorit 2020 kur LRE është krijuar, asnjë media nuk e njeh, asnjë media nuk e përmend, asnjë media nuk e informon publikun as për ekzistencën e as për aktivitetet dhe punën e saj.
Mohim total mediatik.
Refuzim total mediatik.
Shpërfillje totale mediatike.
Mediat flasin për parti të reja, por kurrë nuk e përmendin LRE dhe Arian Galdinin.
Mediat ftojnë në studio e bëjnë lajme e emisione pafund për parti të reja, por kurrë nuk e përmendin LRE dhe Arian Galdinin.
Mediat bëjnë sondazhe duke futur parti të reja dhe politikanë të rinj, por kurrë nuk e përmendin LRE dhe Arian Galdinin.
E megjithatë ky mohim, refuzim, shpërfillje, përqeshje, moskonsiderim, refuzim dhe çensurim mediatik, nuk na ka penguar që ne prej 24 tetorit 2024 e deri sot, të jemi partia e re me më shumë aktivitete politike se çdo parti tjetër, me më shumë salla plot se çdo parti tjetër.
Mediat na mohojnë por ne po bëjmë histori me 1 celular e 1 Faqe Facebooku.
Rregjimi 3 Palësh PS – PD – PL, ka pushtetet e shtetit, ka pushtetet e qeverisjes qendrore dhe lokale, ka pushtetet e Opozitës, ka partitë e reja dhe liderët e rinj që vetë Rregjimi grazhdon politikisht, financiarisht dhe mediatikisht duke i pompuar çdo ditë e çdo natë në çdo media, ka Oligarkët, ka bandat e krimin, ndërsa ne kemi vetëm 1 celular dhe 1 Faqe Facebooku dhe ja ku jemi, ja ku jemi me aktivitete plot e salla plot.
Ne jemi historia e 1 njeriu që ka një ide, historia e 1 ideje që ka krijuar 1 komunitet, historia e 1 komuniteti që ka krijuar një parti politike, historia e 1 partie politike që po bën mrekulli vetëm me 1 celular dhe 1 Faqe Facebooku, përballë 1 Rregjimi 3 Palësh PS – PD – PL që ka gjithçka.
Jemi e vetmja parti politike e re që ka Asamble Kombëtare të zgjedhur, Kryesi të zgjedhur dhe që ka 2 Kuvende.
Jemi e vetmja parti politike që ndonëse mediat nuk na përmendin kurkund, mediat na mohojnë këmbëngultësisht, studiot televizive nuk na njohin e nuk na ftojnë, moderatorët e emisioneve kryesore nuk na ftojnë kurrë e madje edhe në Sondazhet e organizuara nga mediat e Rregjimit ne nuk përmendemi kurrë, prapë se prapë ne vetëm me 1 celular e 1 Faqe Facebooku, ia dalim mbanë të jemi si një Univers Paralel që ekziston pavarësisht Universit Mediatik të Rregjimit.
Jemi Univers Paralel.
Ne jemi.
Mohimi mediatik nuk na e ndal dot ti mbushim sallat plot.
Ne jemi.
Çdo ditë, çdo javë, çdo muaj ne jemi në veprim.
Këtë fundjavë ne do të jemi në Diasporë.
LRE përveç takimeve kudo e ngado në Shqipëri, në çdo fshat e qytet të Shqipërisë, zhvillon takime edhe në Diasporë.
Nga dt 3 – 6 maj do të jemi për takime në Rajonin e Toscana në Firenze, Prato dhe Pescia, në Itali.
LRE në veprim, shpresa në veprim.
Ne jemi parti e djathtë dhe opozitare.
Synojmë që zëri ynë në zgjedhjet e 2025 të jetë në Parlament.
Dhe do tia dalim.
Qoftë edhe nën mohim mediatik e refuzim mediatik, ne do të bëjmë histori me 1 celular dhe 1 Faqe Facebook.
LRE synon të jetë në Kuvendin e Shqipërisë si zë i lirisë dhe do tia dalim mbanë.
Pikë.
