Një sasi e madhe lënde narkotike është sekuestruar në hyrje të Portit të Durrësit.
Droga dyshohet se është e llojit kokainë dhe ishte e fshehur në një kamion i cili kishte si destinacion Italinë. Kamioni i cili ishte i ngarkuar me banane dhe ku fshihej lënda narkotike, është ndaluar mbrëmë gjatë kontrollit të mjetit në magazinë. Kamioni me bana ishte porositur nga kompania “Arbri Garden”.
Mësohet, se sasia e dorgës së kapur është 613 kg, ndërsa policia ka ndaluar drejtuesin e kamionit, por në dëshminë e tij ai ka mohuar të kishte dijeni se po transportonte kokainë.
Ndalimi i kamionit erdhi pas sinjalizimeve nga vendet e huaja si Gjermani, Spanja dhe Holanda, pasi droga e kapur në Durrës kishte mbërritur nga Kolumbia për tu shpërndarë më pas në Europë.
Bëhet e ditur se lënda narkotike kishte mbërritur në Shqipëri dy ditë më parë, ndërsa itinerari që ndiqte sasia e drogës ishte Kolumbi-Itali-Maltë-Durrës.
Policia ka shoqëruar të gjithë puntorë e kompanisë të cilët dyshohen si bashkëpuntorë dhe që kanë ndihmuar drejtuesin e kamionit të fsheh sasinë e kokainës.
Sekuestrimi sasisë së madhe të kokainës në Durrës po hetohet nga Krimet e Rënda, ndërsa po punohet dhe për zbardhjen e plotë të rrjetit të trafikantëve, i cili nis nga Kolumbia.
