![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Një 40-vjeçar shqiptar ka ndërruar jetë tragjikisht gjatë mbrëmjes së djeshme në Breshia të Italisë pasi ishte duke u kthyer nga puna.
Mediat italiane bëjnë me dije se ai po drejtonte një makine tip “Mercedes Benz”, e cila ka dalë nga rruga dhe është përplasur me një pemë.
Për pasojë ka ndërruar jetë shqiptari i quajtur Alban Dushi. Sipas asaj që shkruajnë media, makina e shqiptarit ka rrëshqitur nga rruga.
Mjeti ka kaluar në trotuar në një moment kur aty po ecnin dy gra. Njëra prej tyre u përplas nga makina. Pas këtij momenti, mjeti ka përfunduar duke u përplasur me pemën.
Gruas së dëmtuar i është dhënë menjëherë ndihma mjekësore dhe ka pësuar fraktura në gjymtyrë.
Ndërkohë plagët ishin shumë të rënda për shqiptarin, i cili ka ndërruar jetë menjëherë në vendin e ngjarjes.