Moisi Habilaj ka lënë qelinë e burgut dhe do të qëndrojë në arrest shtëpie, pikërisht në San Michele di Ganzaria ku jeton një anëtar i familjes se tij. Kështu shkruajnë mediat italiane.
Ka qenë Gjykata e Apelit në Catania që ka marrë vendimin për trafikantin shqiptar të drogës, i afërm me ish-ministrin e Brendshëm, Saimir Tahirin.
Ajo pranoi kërkesën për modifikimin e masës së paraburgimit të paraqitur nga mbrojtësit, avokatët Maria Caltabiano dhe Francesco Strano Tagliareni.
Gjykata pasi lexoi kërkesën dhe shqyrtoi faktet e pranoi atë. Habilaj u dënua në shkallë të parë me 15 vjet dhe 5 muaj burg.
Ky vendim mbylli kapitullin e parë gjyqësor që rezultoi nga hetimi ‘Rosa dei Venti’, ku ai ishte akuzuar së bashku me vëllain e tij Florian Habilaj si kreu i një grupi trafikantësh që kishin trafikuar nga Shqipëria në Sicili, drogë me vlerë 20 milionë euro.
