Aksidenti i radhës është regjistruar këtë të mërkurë me autobusët në kryeqytet. Këtë herë, një autobusi urban të linjës “Uzina Dinamo – Qendër – Sharrë” i ka dalë goma nga vendi dhe për pasojë ka mbetur në mes të rrugës.
Sipas raportimeve, defekti ka sjellë edhe radhë të gjata trafiku në zonën e “21 Dhjetorit”. Si pasojë e shkëputjes së gomës, është dëmtuar edhe një mjet tjetër.
Ky është e disata herë që autobusët e kryeqytetit pësojnë defekt ose përfshihen në aksident.
Të hënën, një tjetër autobus është përfshirë në aksident në kryeqytet. Autobusi i linjës Kinostudio-Kombinat është përplasur në afërsi të zonës së Misto Mame me një kosh mbeturinash.
Nga fotot nga vendngjarja, mund të shihej se mjetit të transportit publik i ishin thyer xhamat e dyerve.
Fatmirësisht, nuk pati persona të lënduar por vetëm dëme materiale, ndërsa policia dhe grupi hetimor shkuan në vendngjarje dhe nisën hetimet lidhur me aksidentin.