13 punonjës të policisë së burgjeve janë arrestuar në Milano të Italisë, ndërsa 8 të tjerë janë shkarkuar nga puna, për shkak të dyshimeve se kanë shpërdoruar detyrën.
Sipas mediave të huaja, mësohet se të arrestuarit punonin në burgun e të miturve Cesare Beccaria dhe akuzohen për shpërdorim detyre, torturë, keqtrajtim të të burgosurve, lëndim trupor e madje edhe tentativë përdhunimi të një të mituri.
Mësohet se hetimet kanë nisur dy vite më parë, që nga fillimi i vitit 2022.
Raportohet se zbardhja e akteve të tilla është bërë edhe nga pamjet e kamerave të sigurisë në godinë.
Shfaq Komentet (0)
