![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Është arrestuar i dashuri i polices 21 vjeçare, Aldorjana Loshi, e cila vrau veten me armën e shërbimit në banesën e saj, në Ali Dem, Tiranë, ditën e djeshme.
28 vjeçari, me iniciale E.N., me vendbanim në Kamëz, ku dhe shërbente efektivja, akuzohet për veprën penale “Veprime që pengojnë zbulimin e së vërtetës”.
Sipas njoftimit të policisë, i riu ka shkuar në banesën e 21 vjeçares, ku e ka gjetur të pajetë.
Mësohet se 28 vjeçari fillimisht ka fshirë sms-të që ata kanë shkëmbyer me njëri tjetrin nga celulari i viktimës dhe më pas ka telefonuar policinë për të raportuar ngjarjen e ndodhur.
Bëhet me dije se babai i 28-vjeçarit ishte gjithashtu efektiv policie dhe punonte në të njëjtin komisariat me të dashurën e tij.
Ngjarja ndodhi pasditen e së premtes, më 24 maj, rreth orës 18:30, në rrugën “Todi Shkurti”.
Debati me të dashurin dyshohet se mund të ketë qenë arsyeja që mund ta ketë çuar 21-vjeçaren drejt këtij akti të rëndë.
Çështja i ka kaluar Prokurorisë së Tiranës e po vijojnë hetimet për zbardhjen e ngjarjes.
Njoftimi i policisë:
Në vijim të informacionit paraprak të dhënë ditën e djeshme, ku në rrugën “Todi Shkurti”, është vetëvrarë me armën e shërbimit shtetasja A. L., 21 vjeçe, punonjëse policie pranë Komisariatit të Policisë Nr. 5, specialistët për Hetimin e Krimeve të Komisariatit të Policisë Nr. 1, arrestuan shtetasin E. N., 28 vjeç, banues në Kamëz, për veprën penale “Veprime që pengojnë zbulimin e së vërtetës”.
Ky shtetas dyshohet se ditën e djeshme ka shkuar në banesën e shtetases A. L., dhe pasi ka njoftuar Policinë për ngjarjen e ndodhur, ka fshirë mesazhet me shtetasen A. L., në telefonin e saj.
Materialet i kaluan Prokurorisë.